«Адмена роўмінгу паміж Беларусьсю й Расеяй – складаная задача»

Задача адмены роўмінгу паміж Беларусьсю й Расеяй складаная, але яе неабходна вырашаць, заявіў 22 лістапада дзяржсакратар Саюзнай дзяржавы Грыгорый Рапота ў кулюарах экспэртна-мэдыйнага форуму «Новы вэктар гуманітарнага партнэрства ў Саюзнай дзяржаве» у Маскве.

Паводле яго слоў, рашэньне па роўмінгу неабходна прыняць на ўзроўні ўрадаў дзьвюх краін, а адпрацоўваецца яно міністэрствамі сувязі Беларусі й Расеі. Паводле яго, гэта няпростая задача, бо «закранае многія эканамічныя інтарэсы рэальных гульцоў».

Тым ня менш, сказаў Грыгорый Рапота, вопыт выхаду на бясплатны роўмінг існуе ў Эўразьвязе й яго трэба будзе ўлічваць. Рапота ня выключыў, што пытаньне адмену роўмінгу будзе закранацца ў сьнежні ў Гомелі на пасяджэньні Саўміна Саюзнай дзяржавы.

паводле белта/вс