У Бараўлянах адноўленае намётавае мястэчка, ліквідаванае міліцыяй

Жыхары Бараўлянаў аднавілі намётавае мястэчка, якое 15 жніўня паўстала супраць высечкі лесу ў пасёлку і было ліквідаванае міліцыяй 16 жніўня.

Але цяпер там толькі два маленькія намёты, абнесеныя будаўнічай стужкай. Як кажуць мясцовыя жыхары, людзей там няма, а сама акцыя носіць сымбалічны характар – каб паказаць, што людзі ў любы момант гатовыя выйсьці і пратэставаць супраць высечкі лесу.

Жыхары Бараўлянаў пратэстуюць супраць высяканьня лесу, будаўніцтва сьцёкавага калектару і пракладкі новай шашы побач з дамамі. Іх падтрымалі насельнікі пасёлкаў Лескаўка, Лясны і Досьледны.

Паводле Радыё Свабода/нг