Зь беларускай мовай ды культурай бліжэй пазнаёмяць гішпанцаў

Зь беларускай мовай ды культурай бліжэй пазнаёмяць гішпанцаў. Спэцыяльныя курсы ў горадзе Маляга запускае мясцовы жыхар Хаймэ Гарсія Чапара.

Вывучэньню беларускай мовы хлопец прысьвяціў апошнія тры гады. Ён неаднаразова езьдзіў на ўсход Эўропы і цяпер гатовы падзяліцца сваімі ведамі з суайчыньнікамі. Аўтар ідэі прызнаецца – у яго на радзіме мала што вядома пра Беларусь. На Пірэнэйскім паўвостраве краіна пакуль моцна асацыюецца з Расеяй.

Праект энтузіяста падтрымалі сябры, а таксама беларуская амбасада, што зьявілася ў Гішпаніі ў сьнежні мінулага году. Чакаецца, што першыя заняткі на курсах беларускай мовы ў Малязе адбудуцца ўжо з пачаткам восені.

racyja.com/св