ЭГУ шукае новага рэктара

14 жніўня Эўрапейскі гуманітарны ўнівэрсытэт абвясьціў конкурс на пасаду рэктара. Апошні тэрмін падачы заявак – 20 верасьня.

Шорт-ліст кандыдатаў складуць да 6 кастрычніка, выніковае рашэньне агучаць у сярэдзіне сьнежня. Чакаецца, што новы рэктар заступіць на пасаду ў першай чвэрці 2018 году. Зь ім падпішуць дамову на 5 гадоў.

Асноўныя патрабаваньні да кандыдатаў на пасаду рэктара – доктарская ступень, 15 гадоў досьведу выкладаньня і навукова-дасьледчай дзейнасьці на ўнівэрсытэцкім узроўні, 5 гадоў досьведу працы на высокай кіроўнай пасадзе ў галіне вышэйшай адукацыі, досьвед працы са структурамі Эўразьвязу і эўрапейскімі праграмамі, валоданьне ангельскай мовай, дадаткова беларускай ці расейскай. Гэта станоўчы фактар, але не абавязковы.

Мінулы раз конкурс на пасаду рэктара ЭГУ быў абвешчаны 22 лістапада 2016 году. Аднак рэктар так і не быў абраны.

Паводле Наша Ніва/Радыё «Свабода»/юл