Беларускaя спарцмэнка пакінула пʼедэстал з-за чужога гімну

Беларускую лёгкаатлетку Віялету Скварцову, якая з-за непрыемнага інцыдэнту не атрымала свайго залатога мэдаля на юніёрскім чэмпіянаце Эўропы, узнагародзяць паўторна. Як перадае прэс-служба Беларускай фэдэрацыі лёгкай атлетыкі, падчас спаборніцтваў у італьянскім Грасэта на цырымоніі ўзнагароджаньня зайграў гімн іншай краіны – арганізатары дапусьцілі тэхнічную памылку.

Віялета Скварцова, якая выйграла золата ў трайным скачку, пакінула п’едэстал, калі пачула «чужы» гімн і адмовілася вяртацца нават пад пагрозай дыскваліфікацыі. Беларускі бок выступіў з пратэстам супраць дзеяньняў арганізатараў, у выніку чаго спарцмэнцы прынесьлі прабачэньні.

Цяпер цырымонію ўзнагароджаньня правядуць паўторна.

euroradio.fm/яс