У Беларусі падтрымаюць жадаючых будаваць родавыя маёнткі

Чыноўнік адзначыў, што ідэя родавых маёнткаў набірае папулярнасьць у Беларусі. Многія жадаюць вярнуцца ў вёскі, дзе, напрыклад, раней жылі іх бацькі, ці проста аддаюць перавагу быць бліжэй да прыроды.

«Рух набыў шырокі рэзананс. Шмат людзей, маладых і цікавых па прафэсіях і наогул, жадаюць жыць семʼямі ў экалягічна чыстых месцах», сказаў намесьнік прэмʼер-міністра.

У вёсках такія грамадзяне цяпер атрымліваюць зямельныя ўчасткі ў адпаведнасьці з існуючай нарматыўна-прававой базай: для вядзеньня асабістай падсобнай гаспадаркі або будаўніцтва дачы (да 15 сотак). Але гэтага мала. Цяпер урад рыхтуе даклад кіраўніку дзяржавы, каб вызначыць форму функцыянаваньня, памеры гэтых паселішчаў, даць ім прававую базу, – адзначыў Міхаіл Русы.

Паводле яго зьвестак, у Беларусі ёсьць больш за 570 чалавек, якія лічаць сябе ўладальнікамі падобных родавых маёнткаў. Асабліва шмат такіх грамадзян у Валожынскім і Віцебскім раёнах.

Цалкам магчыма, што дапамогу ў гэтай сфэры акажа і Белаграпрамбанк крэдытамі для будаўнічых работ, набыцьця абсталяваньня або будынкаў.

Паводле Белта/Наша Ніва/юл