Дзьмітрыя Паліенку асудзілі на 15 сутак

Як стала вядома ПЦ „Вясна”, 20 сакавіка быў затрыманы сацыяльны актывіст Дзьмітрый Паліенка. Па інфармацыі відавочцаў, ён прыйшоў да Цэнтра ізаляцыі правапарушальнікаў, каб перадаць перадачу, зайшоў туды, а назад ужо ня выйшаў.

Судзьдзя Заводзкага раёна Менска Галаўкова Вера прызнала актывіста вінаватым па арт. 23.34 КаАП за ўдзел у абароне Курапатаў 25 лютага й асудзіла на 15 сутак арышту.

Праваабронца Наста Лойка мяркуе, што затрыманьне зьвязанае з плянуемай акцыяй супраць дэкрэту №3, што мусіць адбыцца 25 сакавіка ў Менску.

Нагадаем, не так даўно Дзьмітрый Паліенка атрымаў 7 сутак арышту за тое, што пасьля агучваньня прысуду па так званай „справе антыфашыстаў” некалькі актывістаў пачалі выкрыкваць „Ганьба!” і іншыя рэплікі на знак нязгоды з рашэньнем судзьдзі адносна пакараньня фігурантаў справы. Актывіст быў затрыманы й асуджаны судом Маскоўскага раёна ў той жа дзень - 10 сакавіка. 17 сакавіка ён выйшаў з Цэнтра ізаляцыі правапарушальнікаў пасьля адбыцьця пакараньня.

spring96.org/аз