Міністар абароны пацьвердзіў наяўнасьць дзедаўшчыну ў беларускім войску

У беларускім войску сустракаецца дзедаўшчына, хоць і прымаюцца меры, каб зьвесьці яе да нуля. Пра гэтую праблему міністр абароны Андрэй Раўкоў распавёў у перадачы "Трэба разабрацца" на тэлеканале АНТ. Яна выйшла ў сьвет увечары 23 лютага.

Па словах міністра, парушэньне статутных адносінаў паміж вайскоўцамі ("дзедаўшчына") сустракаецца ў беларускім войску месцамі. Для яе выкараненьня ўжываецца ня толькі прафіляктыка. "Мэтадам ужываньня прэвэнтыўных, прафіляктычных мер, ну а калі дзесьці штосьці здарылася, то натуральна, і "адсяканьня хвастоў", мы жорстка, мэтанакіравана працуем у гэтым пытаньні", — паведаміў Раўкоў.

Ён распавёў, што адзін з афіцэраў спрабаваў схаваць факт дзедаўшчыны ў сваім падразьдзяленьні. На яго пачалі крымінальную справу.

euroradio.fm/яс