Айцішнік Аляксей Камок выйшаў на волю

Айцішнік Аляксей Камок выйшаў на волю. Нядаўна вярхоўны суд скараціў яму тэрмін зьняволеньня на адну трэцюю, а цяпер інфарматык быў памілаваны прэзыдэнтам. Гэта пацьвердзіла яго маці Любоў камок.

Справа Аляксея Камка стала сымбалем пачатку ціску на беларускіх айцішнікаў. Ён быў прызнаны вінаватым у незаконнай прадпрымальніцкай дзейнасьці і распаўсюдзе парнаграфічных матэрыялаў. Сам Аляксей заяўляў, што ягоная справа была поўнасьцю сфабрыкаваная. У канчатковым варыянце Камок атрымаў 6 гадоў пазбаўленьня волі з канфіскацыяй маёмасьці. Пазьней вярхоўны суд Беларусі панізіў тэрмін пакараньня з шасьці гадоў узмоцненага рэжыму да 4 гадоў агульнага.

Хартыя'97/нг