Ідзе збор грошай на выданьне мэмуараў Міхала Клеафаса Агінскага

Энтузіясты рыхтуюць да выданьня чатыры тамы мэмуараў Міхала Клеафаса Агінскага. Пакуль не хапае грошай, каб перакласьці чацьвёрты, апошні том.

«Калі гэты том будзе перакладзены, можна пачынаць выданьне кніг, — кажа Зьміцер Рагачоў, каардынатар праекту «Эпоха князя Міхала Клеафаса Агінскага». — Праца ідзе ўжо каля двух гадоў. Перакладзеныя першыя тры тамы мэмуараў, а таксама «Мая біяграфія» й «Назіраньні за падзеямі … у 1830 — 31 гадах». Яны таксама будуць выдадзеныя разам з мэмуарамі. Перакладам займаўся Вольф Рубінчык — палітоляг, перакладчык, дасьледчык».

Плянуецца, што электронная вэрсія выданьня зьявіцца праз паўгода пасьля заканчэньня збору грошай, друкаваная — у верасьні 2017 года. Плянуецца друк у летувіскім выдавецтве.

Міхал Клеафас Агінскі (1765-1833) — кампазытар, дзяржаўны й вайсковы дзеяч Вялікага Княства Літоўскага й Рэчы Паспалітай, удзельнік паўстаньня Касьцюшкі, аўтар знакамітага палянэзу «Разьвітаньне з Радзімай».

наша ніва/вс