Беларусы праз гэта ўжо прахадзілі

Аляксандар Лукашэнка ў час рабочай паездкі ў Магілёўскую вобласьць даручыў у 2017 годзе вярнуць сярэдні заробак на ўзровень 500 даляраў.

«Рыхтуйцеся набраць сярэдні заробак у 500 даляраў у наступным годзе... Я не кажу, што павінны плаціць незаробленыя грошы. Ні ў якім разе. Інакш мы вернемся да таго, з чаго пачыналі два гады таму. Мы павінны стымуляваць, падштурхоўваць кіраўнікоў прыватных і дзяржаўных прадпрыемстваў да таго, каб мы наблізіліся да 500 даляраў», ― сказаў Лукашэнка чыноўнікам падчас наведваньня Магілёўскай вобласьці.

Разам з тым кіраўнік дзяржавы зьвярнуў увагу, што павышаць заработную плату без росту прадукцыйнасьці працы немэтазгодна.

Беларускі кіраўнік ужо абяцаў зарплату ў паўтысячы амэрыканскіх даляраў. І сапраўды заробкі вырасьлі, але пазьней здарыўся крызыс, і яны імгненна ўпалі. Многія эканамісты і цяпер ня вераць, што стабільны рост заробкаў у краіне магчымы ў бліжэйшай будучыні.

БелаПАН/нг