У Слоніме не прадоўжылі кантракту з маладой выкладчыцай музыкі

У Слонімскай дзіцячай школе мастацтваў не прадоўжылі кантракту з маладой выкладчыцай скрыпкі Вольгай Наўгародскай. Так вырашыла адміністрацыя навучальнай установы. Паводле Вольгі, галоўнай прычынай стала тое, што яна не жадала купляць лятарэйныя білеты «Скарбніца» й «Прынёманская», якія пастаянна прымушаюць распаўсюджваць сярод пэдагогаў, а таксама падпісвацца на тыя выданьні, якія ёй не падабаюцца.

Вольга Наўгародская толькі два гады адпрацавала выкладчыцай скрыпкі ў Слонімскай дзіцячай школе мастацтваў. За гэты час яна разам з мужам сталі даволі вядомымі ў Слоніме людзьмі, якія актыўна прымаюць удзел у розных мерапрыемствам, конкурсах, займаюцца фотасправай. Вольга стварыла струнны квартэт «Вяронія», наладзіла некалькі канцэртаў, прысьвечаных Моцарту, Баху.

рацыя/вс