У нядзелю ў Беларусі могуць быць збоі ў абслугоўваньні банкаўскіх картак

У нядзелю, 4 верасьня, у Беларусі могуць быць збоі ў абслугоўваньні банкаўскіх картак. Пра гэта папярэдзіў Банкаўскі працэсінгавы цэнтар. Прычынай збояў называюцца «тэхналягічныя работы на комплексе апрацоўкі аўтарызацыйных запытаў у рэжыме рэальнага часу».

Праводзіць іх будуць з 2-й гадзіны ночы да 7-й раніцы.

У гэты прамежак часу могуць не працаваць карткі банкаў, якія адносяцца да Банкаўскага працэсінгавага цэнтра (гэта такія банкі, як Беларусбанк, БПС-Ашчадбанк, Аграпрамбанк, Белінвэстбанк, Белгазпрамбанк, Парытэтбанк, Прыёрбанк). Перапынкі ў абслугоўваньні ўладальнікаў картак магчымыя ў крамах, абʼектах сэрвісу, пунктах выдачы наяўных грошай, самаабслугоўваньня й банкаматах.

эўрарадыё/вс