Суд зможа абмежаваць грамадзяніну наведваньне гульнявых устаноў

Аляксандр Лукашэнка падпісаў 25 жніўня ўказ, які ўносіць зьмены й дапаўненьні ў асобныя ўказы па пытаньнях прадпрымальніцкай дзейнасьці й падаткаабкладаньня ў мэтах прывядзеньня іх у адпаведнасьць з апошнімі зьменамі Падатковага кодэкса. Аб гэтым паведамілі ў прэс-службе кіраўніка дзяржавы.

Дакумэнт таксама скарэкціраваў Палажэньне аб ажыцьцяўленьні дзейнасьці ў сфэры азартнага бізнэсу на тэрыторыі Беларусі ў частцы прадастаўленьня сваякам магчымасьці зьвяртацца ў суд з заявай аб абмежаваньні фізычнай асобы ў наведваньні гульнявых устаноў і ўдзеле ў азартных гульнях на тэрмін ад шасьці месяцаў да трох гадоў.

Гэта новаўвядзеньне абумоўлена тым, што многія ўдзельнікі азартных гульняў ня могуць прымусіць сябе не наведваць такія ўстановы, што вядзе да цяжкага матэрыяльнага становішча іх блізкіх і разбурэньня сям'і.

belta.by/аз