Стартуе духоўна-асьветніцкая праграма «Сьвятыні Беларусі»

Духоўна-асьветніцкая праграма «Сьвятыні Беларусі» стартуе на тэлеканале Беларусь-3.

Цыкл 26-хвілінных перадач распавядае аб самых велічных і старажытных храмах Беларусі, адкрывае невядомыя старонкі станаўленьня Праваслаўя на тэрыторыі Беларусі, дае падрабязную інфармацыю аб абразах і іншых шанаваных сьвятынях, важную як для вернікаў, так і для людзей, якія цікавяцца гісторыяй Беларусі.

Вядучы – старшыня Сынадальнага інфармацыйнага аддзела Беларускага Экзархата протаіерэй Сергій Лепін.

Праграма падрыхтавана сумесна з прэс-службай Беларускага Экзархата.
Першыя выпускі – у аўторак 22 сьнежня ў 14.10 (аб Праабражэнскім храме ў мястэчку Ракаў) і ў чацьвер 24 сьнежня ў 15.00 (пра Спаса-Эўфрасінеўскі манастыр у Полацку).

church.by/ав