Праз тыдзень - распродажы ў Менскай вобл.

Адзіны дзень зьніжак пройдзе ў розьнічнай гандлёвай сетцы Менскай вобласьці 29 лістапада, – паведамілі ва ўпраўленьні гандлю і паслуг Мінаблвыканкама. У гэты дзень у пакупнікоў будзе магчымасьць набыць нехарчовыя тавары па зьніжаных цэнах. Канкрэтны памер зьніжкі на той ці іншы тавар гандлёвыя арганізацыі сталічнага рэгіёну агучаць пазьней.

Удзел у адзіным дне скідак прымуць крамы ва ўсіх раённых цэнтрах.
1 сьнежня пачнуцца пераднавагоднія кірмашы і распродажы. Традыцыйна ў іх будуць удзельнічаць арганізацыі прамысловасьці, гандлю, грамадзкага харчаваньня, бытавога абслугоўваньня.

Белта/нг