Беларускія мабільныя апэратары павялічваюць тарыфы

З 1 сьнежня кампанія Velcom павялічвае плату за свае паслугі. Павышэньне тарыфаў закране абанэнцкую плату тарыфных плянаў, выходныя нацыянальныя галасавыя выклікі, міжнародныя выклікі (за выключэньнем лінейкі ПРИВЕТ), тарыфы на спэцыяльныя й дадатковыя паслугі, прэміюм-SMS, паслугі перадачы дадзеных і роўмінг. Пра гэта паведамляе «Наша Ніва».
Абанэнцкая плата на большасьць тарыфных плянаў вырасьце на Br3-8 тыс. Напрыклад, на тарыфных плянах Smart 1, Smart 2 і Smart 3 павышэньне складзе Br8 тыс.
Адначасова будуць істотна мадыфікаваныя папулярныя прадукты для смартфонаў.
У сваю чаргу з 30 лістапада абанэнцкую плату на большасьці тарыфных плянаў павялічвае кампанія МТС.

вс