Прэзэнтацыя кнігі «Гэта Беларусь, дзетка!»

У суботу, 7 лістапада, пройдзе прэзэнтацыя кнігі «Гэта Беларусь, дзетка!» – шчодра ілюстраванага гумарыстычнага гіда па выжываньні ў Беларусі, складзенага на ангельскай і беларускай мовах. Кніга паўстала на базе папулярнага блёгу «Гэта Беларусь, дзетка!»

Імпрэза мае адбыцца ў бліжэйшую суботу з 14 да 16 гадзін у галерэі «Ў».

У праграме сустрэча з аўтаркамі кнігі, розыгрыш прызоў, падвядзеньне вынікаў конкурсаў, сярод іх – конкурсу хэштэга на самы вясёлы фотаздымак, разьмешчаны з хэштэгам ‪#‎hetabelarusdzietka або ‪#‎etobelarusdetka ў сацыяльных сетках. Кнігу можна будзе набыць і падпісаць наўпрост у аўтараў або загадзя ў кнігарні «ЛогвінаЎ» ці іншых крамах горада.

Аўтары, Марыя Чаракова й мастачка Марта Чарнова, беларускі, якія воляй лёсу ў малым узросьце апынуліся за мяжой, але не пакінулі любові да Радзімы й гараць жаданьнем адкрываць «гэту бясконца цікавую краіну» для сябе й замежнікаў, падзеляцца асабістымі гісторыямі й распавядуць пра шлях кнігі да чытача.

паводле прэс-інфармацыі/ав