Севярынца выклікае Сьледчы камітэт

Відэа жорсткага затрыманьня сьляпога інваліда на станцыі мэтро «Уручча» зьявілася ў верасьні ў сеціве. Яно выклікала шырокі розгалас.

21 верасьня Павал Севярынец зьвярнуўся ў пракуратуру Першамайскага раёну Менску і запатрабаваў прыцягнуць да адказнасьці супрацоўнікаў міліцыі, зьнятых на відэа. Пра гэта паведаміла прэсавая служба БХД.

Цяпер Павал Севярынец атрымаў ліст са Сьледчага камітэту, дзе паведамляецца, што па гэтай справе ўсчатая крымінальная справа па факце супраціву супрацоўнікам органаў унутраных спраў.

Севярынца выклікалі ў якасьці сьведкі.

Паводле svaboda.org/юл