У Менску пакажуць творы Далі й Пікаса з прыватнай калекцыі

У Нацыянальным гістарычным музэі Рэспублікі Беларусь з 30 красавіка па 28 чэрвеня пройдзе выстава скульптуры, керамікі й графікі двух геніяў сучаснаснага мастацтва - Сальвадора Далі й Пабла Пікаса.

„Упершыню ў Менску будуць выстаўлены трыццаць керамічных работ Пікаса, а таксама ўся кераміка, графічныя работы й самыя знакамітыя скульптуры Далі”, - паведаміў дырэктар музэя Алег Рыжкоў.

Усе творы сапраўдныя. Гэта ўласнасьць расейскага калекцыянэра Аляксандра Шадрына. Ён 15 гадоў набываў прадметы на аўкцыёне „Christie's”, у калекцыянэраў, у музеях, галерэях і аўкцыённых дамах Эўропы. Сёньня менавіта ў яго самая вялікая ў сьвеце прыватная калекцыя скульптур Сальвадора Далі.

„Вядома, для Менска гэта сэнсацыя, пад якую мы аддаем амаль увесь свой другі паверх”, - кажа дырэктар Нацыянальнага гістарычнага музэя.

minsknews.by/аз