Мінгандлю закрывае чарговыя крамы

За 11 месяцаў чыноўнікі праверылі 2,5 тысячы аб’ектаў гандлю й харчаваньня. Паводле іх, парушэньні зафіксаваныя ў 96% выпадкаў.

Чыноўнікі зьбіраюцца надалей правяраць у тым ліку крамы буйных гандлёвых сетак, распавялі ў Мінгандлі.

„Правяраць будзем усіх - і дробныя, і буйныя, хто парушае заканадаўства. Асноўныя парушэньні: рэалізацыя пратэрмінавай прадукцыі, адсутнасьць цэньнікаў, няправільнае афармленьне акцый”, - кажа супрацоўнік міністэрства. Ён дадае, што закрываюцца крамы толькі ў выпадку грубых парушэньняў.

Раней права прыпыніць дзейнасьць крамы мелі толькі санітарныя службы.

5 сьнежня Аляксандр Лукашэнка надзяліў чыноўнікаў Міністэрства гандлю правам прыпыняць дзейнасьць крамаў. Паводле падлікаў СМІ, з таго часу зачынена больш за дзесяць. Сярод іх „Эўраопт”, „Гіпа”, „Пяты элемэнт” і „Электрасіла”.

euroradio.fm/аз