Лукашэнка павіншаваў удзельнікаў „Дня беларускага пісьменства” ў Заслаўі

Кіраўнік дзяржавы Аляксандар Лукашэнка павіншаваў удзельнікаў і гасьцей Дня беларускага пісьменства.Урачыстасьці з гэтай нагоды праходзяць у Заслаўі. Тэкст віншаваньня зьмешчаны на сайце кіраўніка дзяржавы.

„Ад часоў Еўфрасіньні Полацкай і Кірылы Тураўскага кніга заўсёды была для беларусаў жыватворнай крыніцай, надзейным падмуркам нацыянальнага разьвіцьця. Літаратура выхоўвала ў людзях лепшыя якасьці, аказвала вялікі, а часам і вызначальны ўплыў на фарміраваньне іх сьветапогляду.

Сёньня беларуская дзяржава актыўна падтрымлівае нацыянальную інфармацыйную прастору, айчыннае кнігавыданьне ў мэтах кансалідацыі грамадзтва, сьцьвярджэньня высокіх маральных каштоўнасьцей і ідэалаў”, - напісаў Аляксандар Лукашэнка.

Кіраўнік Беларусі пажадаў усім удзельнікам і гасьцям мерапрыемства ў Заслаўі моцнага здароўя, дабрабыту, новых творчых і працоўных дасягненьняў.

nn.by/аз