Згарэў ураджай ільну

У Лідскім раёне згарэў увесь ураджай ільну. Званок аб пажары ў будынку льносушылкі прадпрыемства «Лідлен» у вёсцы Даржы паступіў выратавальнікам ад майстра зьмены ноччу. Да прыбыцьця каманды выратавальнікаў будынак гарэў па ўсёй паверхні. У сушылцы было 2 тоны насеньня ільну. У выніку пажару ўвесь ураджай быў зьнішчаны. Пашкоджаны дах на паверхні 100 квадратных мэтраў, закурадымленыя сьцены.

Праводзіцца праверка прычын ўзгараньня. Найбольш верагодная прычына ўзьнікненьня пажару – парушэньне правілаў эксплюатацыі печак, цеплаагрэгатаў ды прыладаў (магчыма, перанагрэў катла).

Паводле Хартыя'97/нг