"Ляпіс Трубяцкой" зайграе разьвітальны канцэрт у Вільні

23 жніўня гурт "Ляпіс Трубяцкой" у рамках разьвітальнага тура "Клоўна няма - Happy End Tour" дасьць канцэрт для беларускай публікі ў Вільні. Выступ адбудзецца на адкрытай пляцоўцы клюбу Loftas, разьлічанай на 4,5 тысячы гледачоў.

З 1 верасьня "Ляпіс Трубяцкой" спыніць сваё існаваньне. Акрамя Вільнюса калектыў дасьць развітальныя выступы толькі ў Маскве, Пецярбургу й Кіеве.

Беларусы могуць аформіць бясплатныя візы. Дзякуючы падтрымцы МЗС Літоўскай Рэспублікі, частка білетаў на гэты канцэрт для беларусаў забясьпечана бясплатнымі візамі з тэрмінам знаходжаньня з 22 па 24 жніўня ўключна. Падача дакумэнтаў спрошчаная - даведкі з месца працы/вучобы, пацьверджаньня плацежаздольнасьці не патрабуюцца. Кошт квіткоў: 420 тыс. руб.

яс/telegraf.by