Беларусь гатова падпісаць Дамову аб ЭАЭС 29 траўня

Беларусь гатова падпісаць дамову аб Эўразійскім эканамічным саюзе 29 траўня, заявіў сёньня ў час Беларускага прамысловага форуму першы віцэ-прэм'ер Беларусі Ўладзімір Сямашка.

„Праект Дамовы прайшоў усе ўзгадненьні й чакаецца яго падпісаньне 29 траўня кіраўнікамі дзяржаў, Сёньня ва ўрадзе мы яшчэ раз абмеркавалі гэты дакумэнт і знайшлі рашэньні па ўсіх пытаньнях. Беларускі бок прынцыпова гатовы да падпісаньня дамовы”, - сказаў віцэ-прэм'ер Беларусі.

Паводле Сямашкі, Беларусь працягвае зыходзячы з таго, што ў рамках саюза не павінна быць ніякіх выключэньняў і абмежаваньняў.

„Рэспубліка Беларусь зыходзіць з таго, што Эўразійскі эканамічны саюз павінен грунтавацца на поўнамаштабным мытным саюзе безь якіх-небудзь выключэньняў і перашкод эканамічнага характару”, - падкрэсьліў першы віцэ-прэм'ер.

БелаПАН/nn.by/аз