Гарэлка даражэе на 7 тыс. рублёў

У Беларусі павялічыліся гранічныя мінімальныя цэны на алкагольную прадукцыю мацункам больш за 28%. Гэта рашэньне зьмяшчаецца ў пастанове Мінэканомікі №13.

Згодна з дакумэнтам, лімітавая мінімальная адпускная цана (без ПДК) на алкаголь мацункам 40% за 0,5 літра (з коштам спажывецкай тары) павялічана на 37% да 37 тыс. рублёў.

Пры гэтым розьнічная цана (з ПДВ) павялічана на 18,4 % да 45 тыс. (на 7 тыс. рублёў).

Лімітавая мінімальная адпускная цана на імпартныя алкагольныя напоі мацункам 40% складзе 74 тыс. рублёў ( на 37 % больш).

Павышэньне мінімальных цэн на алкагольную прадукцыю першае ў 2014 годзе.

nn.by/аз