Лукашэнка міратворац

У аўторак увечары адбылася тэлефонная размова Аляксандра Лукашэнкі з былым прэзыдэнтам Украіны Леанідам Кучмам.

Размова прайшла на просьбу ўкраінскага палітыка, паведаміла прэсавая служба беларускага кіраўніка.

Леанід Кучма прадставіў сваю пазыцыю наконт сытуацыі ва Ўкраіне, а таксама распавеў пра рэальны стан рэчаў у Крыме.

Былы ўкраінскі прэзыдэнт папрасіў Аляксандра Лукашэнку дапамагчы ў захаваньні тэрытарыяльнай цэласнасьці Ўкраіны ды прадухіліць разьліў крыві.

Беларускі кіраўнік зможа выканаць гэтую просьбу яшчэ сёньня. Аляксандар Лукашэнка сустракаецца ў Маскве з Уладзімірам Пуціным у рамках паседжаньня Вышэйшай Эўразійскай эканамічнай рады.

Паводле БелТА