У Менску пройдзе Міжнародны чыгуначны бізнэс-форум

Міжнародны чыгуначны бізнэс-форум „Стратэгічнае партнэрства 1520: Цэнтральная і Ўсходняя Эўропа” адбудзецца ў Менску 10 кастрычніка.

Мерапрыемства праводзіцца па ініцыятыве й пры падтрымцы Беларускай чыгункі й ААТ „Расейскія чыгункі”, паведамілі ў прэс-службе БЧ.

Удзел у бізнэс-форуме возьмуць кіраўнікі нацыянальных чыгуначных кампаній краін СНД і Эўрапейскага Зьвяза, міжнародных арганізацый, профільных ворганаў дзяржаўнага кіраваньня.

Бізнэс-форум па чыгуначнай праблематыцы - гэта найбуйнейшая дзелавая сустрэча лідараў чыгуначнага бізнэсу. Ключавая ідэя — садзейнічаць выпрацоўцы скаардынаваных падыходаў па разьвіцьці чыгуначнай галіны.

У 2013 годзе ўпершыню мерапрыемства пройдзе ў Беларусі й будзе прысьвечанае праблемам і пэрспэктывам чыгуначнай галіны краін Цэнтральнай і Усходняй Эўропы.

БелаПАН/аз