У беларускім калгасе паўтара года не выплочвалі заробак

Работнікам ААТ „Коханава” (Талачынскі раён Віцебскай вобласьці) паўтара года не выплочвалі заробак.

Гэты факт выявіўся падчас прыёму грамадзян старшынёй Камітэта дзяржкантролю Аляксандрам Якабсонам.

З такой праблемай да Аляксандра Якабсона зьвярнуўся адзін з жыхароў раёна. Ён распавёў, што яго жонка не атрымала заробак за 9 месяцаў. У ходзе разбору высьветлілася, што гэта не адзінкавы выпадак.

ААТ „Коханава” не выплачвала зарплату работнікам на працягу паўтара года. Суб’ект гаспадараньня прызнаны банкрутам і знаходзіцца на стадыі ліквідацыі. Агульная запазычанасьць па заробку складае Br 225 млн.

Аляксандр Якабсон назваў гэты факт абуральным і выказаў зьдзіўленьне з нагоды бязьдзейнасьці мясцовых уладаў

БелТА/аз