ЭЗ падтрымае «Зялёную» эканоміку ў Беларусі»

У Міністэрстве прыродных рэсурсаў і аховы навакольнага асяродзьдзя Беларусі 17 траўня адбудзецца ўрачыстае падпісаньне пагадненьня паміж беларускім урадам і Эўрапейскім Зьвязам аб фінансаваньні праекту міжнароднай тэхнічнай дапамогі «Зялёная» эканоміка ў Беларусі».

Як паведамляе прэс-служба Мінпрыроды, дамова дапаможа прыцягнуць у краіну фінансавую дапамогу ЭЗ у 12 млн эўра на вызначэньне і распрацоўку асноўных мэханізмаў разьвіцьця «зялёнай» эканомікі, удасканальваньне інстытуцыянальнай і заканадаўчай базы краіны ды пашырэньне міжнароднага супрацоўніцтва па перадачы ведаў і досьведу ў гэтай галіне, а таксама на выкананьне малых «зялёных» ініцыятыў і міні-праектаў.

У Беларусі плянуецца таксама рэалізаваць пілётны праект па будаўніцтве і ўводзе ў дзеяньне ветравой устаноўкі, якая дапаможа вызначыць эфэктыўнасць выкарыстаньня ветравой энэргіі ў краіне.

БелаПАН/эб