400 вэтэранаў Вялікай Айчыннай вайны жывуць у дамах-інтэрнатах

FOTO: belta.by

У Беларусі амаль 400 вэтэранаў Вялікай Айчыннай вайны жывуць у дамах-інтэрнатах, - паведамляе БелТА.

У краіне створана сетка стацыянарных установаў сацыяльнага абслугоўваньня, у якой 70 дамоў-інтэрнатаў для састарэлых людзей і для інвалідаў.

Агулам у іх жыве 16 тысяч чалавек, у тым ліку 400 вэтэранаў Вялікай Айчыннай вайны й грамадзяне, якія пацярпелі ад наступстваў вайны. Гэта няшмат, паколькі агулам у Беларусі 25 тысяч вэтэранаў Другой сусьветнай вайны. 1200 зь прайшлі курс санаторна-курортнага лячэньня й аздараўленьня.

Лепшай у Беларусі стацыянарнай установай сацыяльнага абслугоўваньня лічыцца "Рэспубліканскі інтэрнат вэтэранаў вайны й працы" на 180 месцаў у Ждановічах. У мінулым годзе ў інтэрнаце адкрыты лячэбна-аздараўленчы корпус з басэйнам, саўнай, сучасным абсталяваньнем для лячэньня й рэабілітацыі.

яс/БелТА