Збор подпісаў за беларускую мову для Android

Пэтыцыю да карпарацыі Google ініцыяваў Анатоль Таранаў.

У пэтыцыі ўтрымліваецца пажаданьне, каб мабільная апэрацыйная сыстэма Android падтрымлівала беларускую мову. Таранаў таксама адзначае, што цяпер ва ўсіх Android-прыладах для Беларусі паказаная расейская мова. Але многія хочуць бачыць у Android паўнавартасную беларускую мову.

Пэтыцыю на рэсурсе change.org да 13-ае гадзіны 19 лютага падпісалі каля 500 чалавек. Калі яе падпішуць 10 тысяч, яна будзе адпраўленая ў карпарацыю Google.

«Еўрарадыё»/ charter97.org/ эб