Адсьвяткавалі, але ня ўсе задаволеныя

Учора ў Барысаўскім раёне прайшлі ўрачыстасьці, прымеркаваныя да 200-годзьдзя пераправы арміі Напалеона праз Бярэзіну ў раёне вёскі Студзёнка. На мерапрыемства прыехалі дыпляматы, чыноўнікі й шматлікія гледачы, але ня ўсё было ідэальна.

Аднай з важнейшых падзей павінна была стаць рэканструкцыя бітвы Напалеона з абаронцамі гораду. З самой раніцы міліцыя перакрыла доступ да Брылеўскага поля, дзе павінна было адбыцца відовішча. Па інфармацыі амбасады Францыі, мерапрыемства не было закрытым, але машыны, якія ня мелі пропуска ідэалягічнага аддзелу адміністрацыі Барысаўскага раёну, не маглі праехаць. СМІ не былі папярэджаны загадзя пра неабходнасьць мець такі пропуск.

БелаПАН/нг