Беларуска заваявала тытул Miss Supranational-2012

Фота: interfax.by

Беларуска Кацярына Бурая 14 верасьня стала пераможцай міжнароднага конкурсу прыгажосьці Miss Supranational-2012, які праходзіў у Варшаве. Пра гэта паведаміла інфармагенцтва Telegraf. Другое месца заняла прадстаўніца Тайлянду, трэцяе – Чэхіі. Усяго ў конкурсе ўдзельнічалі прадстаўніцы 53-х краін. Адной з узнагародаў пераможцы конкурсу зьяўляецца залаты пярсьцёнак з брыльянтамі.

Сёлетняя Miss Supranational Кацярына Бурая родам з Бабруйска. У 2012 годзе яна скончыла Менскі дзяржаўны лінгвістычны унівэрсытэт. Любіць творчасьць пісьменьніка Габрыэля Гарсія Маркеса, захапляецца спортам - нядаўна пачала займацца боксам. У 2008 годзе яна стала фіналісткай конкурсу "Міс Беларусь".

Форум прыгажосьці Miss Supranational-2012 зьяўляецца адным з самых вядомых у сьвеце. Доўгі час конкурс праводзіўся выключна ў Лацінскай Амэрыцы, аднак зь 2009 года атрымаў пастаянную эўрапейскую прапіску.

Telegraf.by/ misspolski2012.blogspot.com/ап