Пашкевічу пагражаюць

Фота: ucpb.org

Беларускі актывіст Міхаіл Пашкевіч,які сфатаграфаваў Жаныша Бакіева, брата былога прэзыдэнта Кыргызстана, заявіў аб атрыманьні пагрозы з яго боку, паведамляе кыргыскае агенцтва АКІpress.

Як сьцвярджае Пашкевіч, у адным з кафэ ў Менску невядомы мужчына перадаў праз афіцыянта запіску на сурвэтцы з наступным зьместам: «Міхаіл, Вам прывітаньне ад г-на Бакіева».
Паводле яго слоў, запіску ім перадалі ўжо праз пару хвілін, як яны селі за столік. «Гэта значыць, што ехалі за намі па ўсім маршруце па горадзе. Пытаньне проста ў тым цяпер, хто гэта мог быць».

Гэты здымак спрычыніўся да таго, што Кыргыстан адклікаў зь Беларусі свайго амбасадара Эрыка Асаналіева.

кр/akipress.org