У Беларусі пачынаецца «Тыдзень супраць катаваньняў»

З 24 па 28 чэрвеня ў Менску пройдзе праваабарончая кампанія «ПЫТАЙ/СЯ. Тыдзень супраць катаваньняў», прымеркаваны да Міжнароднага дня ААН у падтрымку ахвяраў катаваньняў, які адзначаецца 26 чэрвеня, - паведамляецца на сайце svaboda.org.

Арганізатарамі зьяўляюцца ініцыятыва «Праваабаронцы супраць катаваньняў» і грамадзкая арганізацыя «Прававая ініцыятыва», партнэры — Беларускі дакумэнтацыйны цэнтар, Human Constanta і Беларуская асацыяцыя журналістаў.

— Мэта — стварэньне экспэртных і даступных шырокай публіцы пляцовак для абмеркаваньня розных аспэктаў праблемы катаваньняў і бесчалавечнага абыходжаньня, абмену практыкамі паміж спэцыялістамі з розных сфэр і краін, а таксама аказаньне прафэсійнай падтрымкі людзям з траўматычным досьведам, - сказаў каардынатар «Тыдня супраць катаваньняў», сябра праўленьня «Прававой ініцыятывы», юрыст Сяргей Усьцінаў.

яс