У Польшчы сьвяткуюць урачыстасьць Божага цела

Божае Цела – распаўсюджаная назва ўрачыстасьці Найсьвяцейшага цела і крыві Хрыста, якая адзначаецца ў чацьвер пасьля ўрачыстасьці Найсьвяцейшай Тройцы, таму што ў чацьвер Езус Хрыстус устанавіў сакрамэнт Эўхарыстыі (Вялікі чацьвер).

Прысутнасьць Езуса ў Эўхарыстыі зьяўляецца асновай жыцьця Касьцёла і асновай сапраўднага адзінства, – зазначыў Прымас Польшчы арцыбіскуп Войцех Поляк з нагоды сьвята Найсьвяцейшага Цела і Крыві Хрыста.

Галоўным момантам урачыстасьці сталі эўхарыстычныя працэсіі, якая прайшлі па вуліцах польскіх гарадоў і вёсак пад лёзунгам «Мы хочам, каб прысутнасьць Бога пранікала ў наша жыцьцё і справы».

Так, у Варшаве адбылася працэсія з архікатэдры св. Яна Хрысьціцеля па вуліцы Кракаўскае прадмесьце да плошчы Пілсудскага, дзе 40 гадоў таму Рымскі папа Ян Павал II зьвярнуўся з заклікам да Сьвятога Духа аб аднаўленьні польскай зямлі.

Божае цела – адно з самых урачыстых каталіцкіх сьвятаў.

ПР/юл