З нагоды ІІ Эўрапейскіх гульняў у КПП выдзелілі асобныя калідоры

У пунктах пропуску Гарадзенскай рэгіянальнай мытні напярэдадні ІІ Эўрапейскіх гульняў выдзелілі асобныя калідоры для балельшчыкаў і спартсмэнаў, а таксама ўстанавілі 50 новых інфармацыйных электронных табло, паведамілі БЕЛТА ў мытні.

Асобныя калідоры будуць абазначаны лягатыпам ІІ Эўрапейскіх гульняў на інфармацыйным табло. „Спартсмэнам і балельшчыкам, для якіх на пэрыяд спаборніцтваў устаноўлены спрошчаны парадак афармленьня, трэба будзе прайсьці па такім калідоры й прадаставіць супрацоўніку мытні пашпарт, а таксама дакумэнты на транспартны сродак", - адзначылі ў Гарадзенскай мытні.

Электронныя табло разьмешчаны на аўтобусным і легкавым каналах у пунктах пропуску на беларуска-польскай і беларуска-летувіскай межах. Іх устанавілі на ўезьдзе й выезьдзе з краіны. На табло выводзіцца лягатып ІІ Эўрапейскіх гульняў, абазначэньні чырвонага або зялёнага калідораў, а таксама актуальная інфармацыя аб парадку перамяшчэньня тавараў празь мяжу.

аз