У Польшчы распачаліся выплаты «13-ай пэнсіі»

Дадатковыя выплаты атрымаюць пэнсіянэры ды інваліды. «13-ая пэнсія» прызначана для шматлікай групы сацыяльна ўразьлівых жыхароў Польшчы: звычайныя пэнсіянэры, пэнсіянэры сельскай гаспадаркі, інваліды працы, ваенныя вэтэраны, вэтэраны сілавых структур, бацькі з малым прыбыткам і г. д.

Міністар сям’і, працы й сацыяльнай палітыкі Польшчы Эльжбета Рафальска нагадала, што дадатковыя выплаты складуць 1100 злотых брута (прыкладна 250 эўра).

Эльжбета Рафальска: Усім гэтым групам грамадзян будзе выплачаны дадатковая дапамога. Яны атрымаюць яе без аніякіх заяў.

Агулам дадатковую сацыяльную падтрымку атрымаюць 9 мільёнаў 800 тысяч чалавек. Адметным зьяўляецца той факт, што «13-ая пэнсія» не падлягае судова-прыстаўным актам.

IAR/эж