Польскі прэмʼер адправіўся з двухдзённым візытам у ЗША

Таксама сустрэнецца з бізнэсоўцамі.

Прэмʼер-міністар Польшчы Матэвуш Маравецкі ў аўторак вылецеў у Чыкага. Прама з аэрапорта ён накіраваўся ў польскае консульства, дзе адбылася сустрэчы з журналістамі, а затым з бізнэсоўцамі.

Польскі прэмʼер таксама ўсклаў кветкі да помніка Тадэвушу Касьцюшку, што месьціцца ў паўднёвай частцы горада, побач з возерам Мічыган.

Увечары Матэвуш Маравецкі ўзяў удзел ва ўрачыстым паказе фільма «Польшча: Вялікая вандроўка». Гэта паўгадзінная дакумэнтальная стужка, зьнятая прэстыжнай амэрыканскай грамадзкай тэлевізіяй PBS.

У фільме кіраўнік польскага ўрада Матэвуш Маравецкі ладзіць экскурсію па Польшчы для амэрыканскага журналіста Пітэр Грынберга.

Фільм быў зьняты мінулай восеньню ў Варшаве, Уроцлаве, Кракаве, Вялічцы ды ў Сьвентакшыскіх гарах.

У панядзелак адбылася прэмʼера фільма ў Лос-Анжэлесе, а ў сераду яго змогуць пабачыць гледачы ў Нью-Ёрку, дзе на ўрачыстым паказе будзе госьцем прэмʼер Матэвуш Маравецкі. Перад тым прэмʼер-міністар плянуе далучыцца да сустрэчы ва ўнівэрсытэце Нью-Ёрка.

ПР/юл