У Вашынгтоне пройдзе саміт НАТО прымеркаваны да 70-ай гадавіны арганізацыі

У Вашынгтоне адбудзецца сёньня сустрэча міністраў замежных спраў краін НАТО. Саміт арганізаваны з нагоды 70-й гадавіны Арганізацыі Паўночнаатлянтычнай дамовы. Польшчу будзе прадстаўляць міністар Яцэк Чапутовіч.

Саміт НАТО ў Вашынгтоне пачнецца з прыёму, арганізаванага дзяржсакратаром ЗША Майкам Пампея. Прыём пройдзе ў Аўдыторыі Эндру Мелона, дзе 4 красавіка 1949 года прадстаўнікі 12 краін-заснавальнікаў, падпісалі Паўночнаатлянтычны дагавор. Міністры замежных спраў 29 краін, якія зараз уваходзяць у НАТО, будуць мець магчымасьць паглядзець гэты гістарычны дакумэнт.

Асноўная дыскусія саміту адбудзецца заўтра. У ходзе першай сэсіі, міністры будуць абмяркоўваць пагрозу з боку Расеі, другая будзе прысьвечана сытуацыі ў Афганістане. У час рабочага абеду міністры абмяркуюць пытаньне павелічэньня выдаткаў на абарону краін НАТО.

яс