Прэм’ер Польшчы заахвочвае хаўрусьнікаў павялічыць выдаткі на кібэрбясьпеку

У Варшаве кіраўнік польскага ўраду прыняў удзел польска-амэрыканскай канфэрэнцыі пад назвай «Новая ініцыятыва для Польшчы – будучы сусьветны лідэр па абароне чацьвёртай прамысловай рэвалюцыі».

Матэвуш Маравецкі выказаў спадзяваньне, што гэтая сустрэча ўзмацніць доўгатэрміновае польска-амэрыканскае супрацоўніцтва ў галіне бясьпекі ў Сеціве. Ён падкрэсьліў, што дадзенае супраца мае значны палітычны аспэкт.

«Мы павінны абараніць Польшчу, Эўропу й Амэрыку ад кібэратак, крадзяжоў дадзеных і непраўдзівых навін, які атручваюць грамадзкае жыцьцё. Для мяне такі накірунак дзеяньняў зьяўляецца абавязковым і відавочным» – заявіў Матэвуш Маравецкі.

Нагадаем, напрыканцы мінулага году ў польскім урадзе паўстала пасада ўпаўнаважанага па пытаньнях кібэрбясьпекі. Упаўнаважаны праводзіць маніторынг дзейнасьці польскай Сыстэмы кібэрбясьпекі, а таксама каардынуе працу ў гэтай галіне ва ўрадавым, камэрцыйным ды мілітарным сэктарах.

IAR/эж