У Варшаве адзначаюць 100-годзьдзе польскай авіяцыі

У рамках сьвяткаваньня 100-годзьдзя авіяцыі ў Польшчы міністар нацыянальнай абароны Марыюш Блашчак (Mariusz Błaszczak) усклаў кветкі да Помніка ахвярам авіякатастрофы пад Смаленскам на плошчы Пілсудскага, паведаміла ведамства ў Твітэры.

Галоўныя мерапрыемствы ў рамках сьвята авіяцыі заплянаваныя на варшаўскіх могілках Павонзкі (Powązki).

Апоўдні прэзыдэнт Анджэй Дуда й іншыя высокапастаўленыя дзяржаўныя чыноўнікі прынялі ўдзел у цырымоніі адкрыцьця помніка „Слава польскім лётчыкам” у памяць польскіх пілётаў, якія на працягу апошніх 100 гадоў прысьвяцілі сваё жыцьцё Радзіме.

У другой палове дня заплянаваная традыцыйная цырымонія ля Помніка польскім лётчыкам загінулым у 1939-1945 гадах.

аз