Кітайская амбасада ў Польшчы стала фігурантам шпіёнскага скандалу

Тыбэцец быў асуджаны ў Швэцыі за шпіянаж на карысьць Кітайскай Народнай Рэспублікі. Шпіён быў затрыманы падчас вяртаньня з Варшавы, дзе адбываліся явачныя сустрэчы ў амбасадзе КНР у Польшчы. У дыпляматычнай пляцоўцы тыбэцец перадаваў інфармацыю пра семʼі палітычных уцекачоў з Кітаю, а таксама атрымліваў за гэта грашовую ўзнагароду.

Швэдзкі суд прысудзіў кітайскаму шпіёну турэмнае зьняволеньне тэрмінам на 22 месяцы. Як сьцьвярджаюць швэдзкія праваахоўныя органы, тыбэцец у пэрыяд з ліпеня 2015 па люты 2017 года зьбіраў апэратыўныя дадзеныя пра іншых выхадцаў з Тыбэту, якія пражывалі на тэрыторыі Каралеўства Швэцыі.

Атрыманая інфармацыя перадавалася супрацоўнікам кітайскага пасольства ў Варшаве, таксама стала вядома, што тыбэцец быў затрыманы з узнагародай за шпіёнскую дзейнасьць у памеры 6 тысяч даляраў.

У кіраўніцтве Тыбэцкай супольнасьці Швэцыі, паведамілі, што дзейнасьць шпіёна наносіла вялікую шкоду тыбэцкаму руху. Апэратыўныя дадзеныя, якія перадаваліся кітайскім уладам, выкарыстоўваліся для перасьледу тыбэцкіх актывістаў і іх сем'яў на тэрыторыі Кітайскай Народнай Рэспублікі.

эж