Санітарная інспэкцыя падрыхтавала дапаможнік, як карміць дзяцей у ясьлях

Дзяржаўная санітарная інспэкцыя і Асацыяцыя «Здаровае пакаленьне» падрыхтавала дапаможнік для ясьляў у Польшчы па здаровым харчаваньні маленькіх дзяцей.

Галоўны санітарны інспэктар зазначыў, што ў ясьлях былі выяўленыя сур'ёзныя дыетычныя памылкі, якія ўплываюць на здароўе і правільнае разьвіцьцё дзяцей. Здаралася, што дыета была незбалянсаванай па суадносінах бялкоў, вугляводаў і тлушчаў. "У ежы недахоп вітамінаў і мінэралаў уплываюць на структуру шкілета і агульнае здароўе дзіцяці", – сказаў Гжэгаж Гудзік.

Прафэсар Галіна Вэкэр з Інстытута маці і дзіцяці ў Варшаве падкрэсьліла, што вельмі распаўсюджаная памылка - гэта няправільны склад і выбар прадуктаў харчаваньня, лішак перапрацаванай ежы, занадта шмат цукру і солі або насычаных тлустых кіслотаў.

Дапаможнік «Харчаваньне дзяцей у дзіцячых садках. Практычнае ўвядзеньне дзеючых стандартаў» распрацаваны для дзяцей ад першага да трэцяга году жыцьця.