У Беларусі могуць увесьці падатак на поліэтыленавыя пакеты

У Беларусі могуць увесьці падатак на поліэтыленавыя пакеты. Пра гэта паведамілі ў Міністэрстве прыродных рэсурсаў і аховы навакольнага асяродзьдзя.

«Вытворцы й пастаўшчыкі ўжо выплачваюць экалягічны падатак. Грашовыя сродкі накіроўваюцца на далейшую перапрацоўку адкідаў», – паведаміў начальнік галоўнага ўпраўленьня рэгуляваньня абыходжаньня з адкідамі біялягічнай і ляндшафтнай разнастайнасьці Руслан Міхалевіч.

У будучыні падобны збор могуць выплачваць і спажыўцы.

На дадзены момант у сьвеце выкарыстаньне тары з поліэтылену зьяўляецца вялікай праблемай, бо яна раскладаецца каля 500 гадоў. Перапрацоўка адкідаў таксама мае шэраг складанасьцяў.

З 2018 года ў Польшчы забаранілі бясплатныя поліэтыленавых пакеты. Цяпер іх у краме можна толькі купіць – раней іх раздавалі практычна без абмежаваньня.

новы час/белновости/вс