Турэцкая паліцыя затрымала 29 праўдападобных баевікоў Ісламскай дзяржавы

Турэцкая паліцыя затрымала сёньня ў Анкары 29 праўдападобных чальцоў Ісламскай дзяржавы – паінфармавалі дзяржаўныя СМІ. Гэта чарговая апэрацыя, накіраваная ў гэтую арганізацыю ў Турцыі ў рамках узмацненьня бясьпекі перад Новым годам.

Як паінфармавала турэцкае агенцтва «Анатолія», у некалькіх адначасовых аблавах удзельнічалі 500 паліцыянтаў. Многія з затрыманых – гэта іншаземцы, аднак не агучана іх канкрэтная лічба і нацыянальнасьць.

Пракуратары агулам выдалі 46 загадаў аб арыштах. Канфіскаваныя паліцыяй матэрыялы сьведчаць аб тым, што некалькі падазраваных рыхтавалі тэракт у навагоднюю ноч.

У 2016 годзе ў навагоднюю ноч у Стамбуле ўзброены аўтаматам тэрарыст застрэліў 39 чалавек. Да атакі прызналася Ісламская дзяржава.

Турэцкія ўлады паінфармавалі, што па прычынах бясьпекі колькасьць паліцыянтаў, якія будуць дзяжурыць у Новы год, будзе на палову большай – 37 тысяч функцыянэраў.

ав