Біскупы Беларусі папрасілі Лукашэнку зрабіць 1 лістапада выходным днём
Каталіцкія біскупы Беларусі падтрымалі ініцыятыву вернікаў прызначыць выходны дзень для ўшанаваньня памяці памерлых. Гэтае пытаньне абмяркоўвалася на пленарным пасяджэньні эпіскапату 21 лістапада, паведамляе афіцыйны сайт Каталіцкага Касьцёлу ў Беларусі.
Ад імя Канфэрэнцыі Каталіцкіх Біскупаў старшыня эпіскапату Беларусі арцыбіскуп Тадэвуш Кандрусевіч накіраваў ліст Аляксандру Лукашэнку на гэтую тэму.
У камэнтары сайту catholic.by іерарх нагадаў, што 1 лістапада зьяўляецца выходным днём у многіх краінах сьвету. У гэты дзень католікі адзначаюць урачыстасьць Усіх Сьвятых і наведваюць могілкі, каб ушанаваць памерлых.
Выходным днём 1 лістапада зьяўляецца ня толькі ў краінах з пераважна каталіцкім насельніцтвам, але й там, дзе побач з католікамі жывуць пратэстанты.
«Дзень усіх памерлых мы пачынаем адзначаць 1 лістапада. Калі гэты дзень будзе вольным, ён стане добрай нагодай памаліцца ня толькі ў касьцёле, але й на могілках. Разам з тым, гэта прывядзе да балянсу з Праваслаўнай Царквой, дзе вернікі маюць выхадны дзень – Радаўніцу», – мяркуе мітрапаліт Тадэвуш Кандрусевіч.
На пачатку 90-х восеньскія Дзяды былі ў Беларусі выходным днём нароўні зь веснавой праваслаўнай Радаўніцай. Аднак потым улады адмянілі каталіцкае сьвята памінаньня памерлых, пакінуўшы толькі праваслаўнае.
Каталіцкія біскупы Беларусі падтрымалі ініцыятыву вернікаў прызначыць выходны дзень для ўшанаваньня памяці памерлых. Гэтае пытаньне абмяркоўвалася на пленарным пасяджэньні эпіскапату 21 лістапада, паведамляе афіцыйны сайт Каталіцкага Касьцёлу ў Беларусі.
Ад імя Канфэрэнцыі Каталіцкіх Біскупаў старшыня эпіскапату Беларусі арцыбіскуп Тадэвуш Кандрусевіч накіраваў ліст Аляксандру Лукашэнку на гэтую тэму.
У камэнтары сайту catholic.by іерарх нагадаў, што 1 лістапада зьяўляецца выходным днём у многіх краінах сьвету. У гэты дзень католікі адзначаюць урачыстасьць Усіх Сьвятых і наведваюць могілкі, каб ушанаваць памерлых.
Выходным днём 1 лістапада зьяўляецца ня толькі ў краінах з пераважна каталіцкім насельніцтвам, але й там, дзе побач з католікамі жывуць пратэстанты.
«Дзень усіх памерлых мы пачынаем адзначаць 1 лістапада. Калі гэты дзень будзе вольным, ён стане добрай нагодай памаліцца ня толькі ў касьцёле, але й на могілках. Разам з тым, гэта прывядзе да балянсу з Праваслаўнай Царквой, дзе вернікі маюць выхадны дзень – Радаўніцу», – мяркуе мітрапаліт Тадэвуш Кандрусевіч.
На пачатку 90-х восеньскія Дзяды былі ў Беларусі выходным днём нароўні зь веснавой праваслаўнай Радаўніцай. Аднак потым улады адмянілі каталіцкае сьвята памінаньня памерлых, пакінуўшы толькі праваслаўнае.
эўрарадыё/вс