ЭЗ прызначыць больш за мільён эўра на барацьбу з расейскай прапагандай

1 мільён 100 тысяч эўра прызначыць Эўразьвяз на барацьбу з расейскай прапагандай, паведамляе грамадзкае Польскае радыё. Гэта больш, чым пачаткова плянавалася.

Як даведаліся польскія журналісты, такое рашэньне некалькі дзён таму прынялі прадстаўнікі дзяржаў-членаў ЭЗ і Эўрапейскага парлямэнта.

Сродкі з эўрапейскага бюджэту на 2020 год атрымае спэцыяльная група экспэртаў, якая займаецца барацьбой з расейскай прапагандай.

Аднак паводле эўразьвязаўскіх экспэртаў, гэта надалей невялікія грошы ў параўнаньні з расейскай прапагандысцкай машынай.

аз