Два рэгіёны Італіі прагаласавалі за аўтаномію

Жыхары Лямбардыі й Вэнэта на поўначы Італіі ў нядзелю, 22 кастрычніка, прагаласавалі за аўтаномію сваіх рэгіёнаў. Кіраўнікі абедзьвюх абласьцей ужо абвясьцілі вынікі рэфэрэндуму, нягледзячы на ​​тое, што фармальна падлік галасоў яшчэ не завяршыўся.

У Лямбардыі за аўтаномію выказаліся 95% выбаршчыкаў пры яўцы ў 40% (правам голасу ў рэгіёне валодае восем мільёнаў чалавек). У Вэнэта «так» сказалі 98% пры яўцы 60% (колькасьць выбаршчыкаў у вобласьці – чатыры мільёны).

Вынік галасаваньня можа стаць сур'ёзным ударам для цэласнасьці й эканамічнага дабрабыту Італіі, паколькі на долю Лямбардыі й Вэнэта прыходзіцца 30% італьянскага ВУП, а насельніцтва гэтых рэгіёнаў складае амаль чвэрць усяго электарату краіны.

У адрозьненьні ад Каталёніі, рэфэрэндумы ў Італіі былі ўзгоднены з уладамі ў Рыме й праходзілі на цалкам законных падставах.

Лямбардыя й Вэнэта – адны з самых багатых рэгіёнаў Італіі. Статус аўтаноміі дасьць мясцовым уладам больш свабоды ў пытаньнях іміграцыйнай і сацыяльнай палітыкі, у сфэры бясьпекі, а таксама магчымасьць самастойна распараджацца падатковымі паступленьнямі.

корреспондент/вс